Ağdam. Trend:
Ağdamda baş vermiş qəzada xəsarət alanların kimliyi məlum olub.
Trend-in yerli müxbirinin əldə etdiyi məlumata görə, onlar Əliyev Nəbi (sürücü), Əliyev Pərviz və Əmirov Mübarizdir.
Qeyd edək ki, xəsarət alanlar minik maşınının sürücüsü və onun sərnişinləridir.
XXX
21:19
Minik avtomobili traktora çırpılıb, yaralılar var.
Trend-in yerli müxbiri xəbər verir ki, hadisə Bərdə-Ağdam magistralının Ağdam rayon ərazisində baş verib. "Hunday" markalı minik maşının traktora çırpılması nəticəsində üç nəfər xəsarət alıb.
Xəsarət alanlarla bağlı TƏBİB-dən bildirilir:
Yol-nəqliyyat hadisəsi ilə əlaqədar 13.09.2025-ci il tarixində saat 18:30 radələrində 3 nəfər (kişi cinsli) Bərdə Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Müxtəlif bədən xəsarətləri alan şəxslərə zəruri tibbi xidmətlər göstərilib. Müvafiq şöbələrdə müalicələri davam etdirilən pasiyentlərdən 1-nin vəziyyəti ağır, 2-nin vəziyyəti orta ağırdır.
Faktla bağlı araşdırma aparılır.