Bakı. Trend:
Xilasedicilər Elbrus dağına (Rusiyanın Kabarda-Balkar Respublikası) qalxan dörd alpinisti tapıblar. Onlardan biri ölüb.
Trend-in məlumatına görə, bu barədə Rusiya Fövqəladə Hallar Nazirliyinin mətbuat xidməti bildirib.
İlkin məlumata görə, qrup üzvlərindən biri ayağından zədə alıb.
Bildirilib ki, axtarış -xilasetmə işlərinə 20-dən çox xilasedici və yeddi texnika cəlb edilib.
Qeyd edək ki, hava şəraitinin pisləşməsi səbəbindən Elbrus dağının 5400 metr yüksəkliyinə çıxan 19 nəfərdən ibarət alpinist qrupu xilasedicilərdən kömək istəyib.