Bakı. Trend:
Aİ-nin 27 ölkəsinin Daimi Nümayəndələr Komitəsi (Coreper) Aİ sammiti öncəsi fövqəladə iclasında Rusiyaya qarşı neft embarqosunun daha yüngül variantı ilə bağlı kompromis əldə edə bilməyib.
Trend "TASS"a istinadla xəbər verir ki, Rusiyaya qarşı altıncı sanksiyalar paketi layihəsinin tərkib hissəsi olan neft embarqosu ilə bağlı qərarın Aİ sammitində qəbul olunması gözlənilmir.
"Bu gün "Coreper" neft tədarükünün qadağan edilməsi məsələsini müzakirə etmək üçün bir araya gəldi. Bazar ertəsi daha bir görüşdə əlavə detalları nəzərdən keçirəcəyik. Deyə bilərəm ki, bütün ölkələr Rusiya neftinin tədarükünü məhdudlaşdırmaqda qərarlıdır, lakin bizim əlavə əlaqələndirməyə ehtiyacımız var", - mənbə bildirib.