Bakı. Trend:
Haitidə cəmi bir həftə ərzində azı 89 nəfər cinayətkar qruplaşmalar arasındakı münaqişələrin qurbanı olub.
Trend xəbər verir ki, daha 16 nəfər itkin düşüb. Ölkənin paytaxtı Port-o-Prens şəhərində cinayətkar qruplaşmalar arasında toqquşmalar daha da şiddətlənib. Bir neçə yüz yerli sakin evlərində qapalı qalıb.
BMT 2021-ci il iyulun 7-nə keçən gecə bu ölkənin prezidenti Jovenel Moizenin öldürülməsindən sonra Haitidə təhlükəsizlik və humanitar vəziyyətin pisləşməsi ilə bağlı məlumat verib. Bundan əlavə, ötən il Haitidə güclü zəlzələ olub, 2,2 min insan həlak olub.