Bakı. Trend:
İtaliyanın Milan şəhərində "Permanente" muzeyində italiyalı alim Alessandro Voltanın portreti oğurlanıb.
Trend-in bazar ertəsi verdiyi məlumata görə, bu barədə muzeyin əməkdaşları bildirib.
Qeyd olunur ki, şəhər polisi muzeydə olmuş bütün şəxsləri müəyyənləşdirib, portreti oğurlayanların axtarışları davam etdirilir.
1840-cı ildə rəssam Qabriel Rottini tərəfindən yaradılmış portretin dəyəri 20 min avro məbləğində ölçülür.
İtaliyalı fizik və kimyaçı Alessandro Volta volt ölçü vahidinin banisi hesab olunur.