Bakı. Trend:
ABŞ-ın Alabama ştatında "UH-60 Black Hawk" hərbi helikopteri qəzaya uğrayıb.
Trend xəbər verir ki, bu barədə "BNO News" telekanalı məlumat yayıb.
Bildirilir ki, qəza yerli vaxtla çərşənbə günü saat 15:00-da (Bakı vaxtı ilə cümə axşamı saat 01:00) baş verib. Qəza nəticəsində helikopterdə olan 6 nəfər həlak olub.
Qeyd edilir ki, helikopter avtomobil yoluna düşüb. Hadisə nəticəsində avtomobillərə ziyan dəyməyib.
Qəza ilə bağlı araşdırma aparılır.