Bakı. Trend:
“NASA” bu yaxınlarda Mars planeti haqqında yeni video yayımlayıb.
Trend-in məlumatına görə, “NASA”nın "Mars Reconnaissance Orbiter" adlı kosmos vasitəsi son dərəcə inkişaf etmiş bir kamera ilə hərəkət edir və planetin yeni detallarını milyardlarla insanla paylaşmağı hədəfləyir.
Yüksək dəqiqlikli görüntüləmə təcrübəsi və ya qısaca “HIRISE” adlanan bu kamera kiçik mətbəx masası ölçüsündə obyektləri aydın şəkildə çəkə bilir. Təbii ki, videonu hazırlayan rəsmilər müxtəlif rəng və görüntü filtrlərindən də istifadə etdiklərini bildirirlər.
Gəlin Marsdakı “Aram Chaos” kraterinə nəzər salaq
Aşağıdakı pəncərədən izləyə biləcəyiniz video hər zaman “qırmızı planet, narıncı planet” kimi təsvir edilən planetin perspektivini bir az dəyişə bilər. Genişliyi 170 mildən çox olan vulkanik əraziyə baxmaq istəyirsiniz? “Aram Chaos” adlanan kraterdə sonradan qurumuş maye axınlarının izləri var. Mütəxəssislər bunun o dövrdə ərimiş qaya və su hərəkətlərinin izləri olduğunu düşünürlər.
Qırmızı planetin vaxtilə püskürən vulkanlarla dolu planet olduğu düşünülür. Hətta Günəş sistemindəki ən böyük vulkan Marsda yerləşir. Adı “Olympus Mons”dur. Bu dağın hündürlüyü düz 21,9 km-dir. Təbii ki, bu artıq aktiv dağ deyil.