Bakı. Trend:
Rusiyanın Aya su mənbəyi axtarmaq üçün göndərdiyi “Luna-25” kosmik gəmisindəki elmi cihazlar işə düşüb və ilk məlumatlar işlənib.
Trend xəbər verir ki, Rusiya Federal Kosmik Agentliyinin (Roskosmos) açıqlamasında ölkənin 1976-cı ildən bu yana Aya göndərdiyi ilk kosmik gəmisi olan “Luna-25”in fəaliyyətləri ilə bağlı məlumatlar yer alıb.
Açıqlamada kosmik gəmidəki bütün sistemlərin normal işlədiyi qeyd edilib.
“Luna-2”5 avqustun 11-də Moskvadan 5500 kilometr şərqdə yerləşən “Vostoçnıy” kosmodromundan "Soyuz 2.1b" raketi ilə buraxılıb.
Təxminən 1 il müddətində Ayda araşdırma aparacaq “Luna-25” kosmik şüaların və elektromaqnit emissiyalarının Ay səthinə təsirini araşdırmaqla yanaşı, su tapmaq üçün axtarışları da davam etdirəcək.