Bakı. Trend:
Bu gün Davos İqtisadi Forumunun 54-cü iclası rəsmən işə başlayır.
Trend bu barədə xarici KİV-lərə istinadən xəbər verir.
Məlumata görə, tədbir İsveçin Davos şəhərində keçirilir. ABŞ Prezidentinin milli təhlükəsizlik müşaviri Ceyk Sallivan və dövlət katibi Antoni Blinkenin Dünya İqtisadi Forumunda çıxış edəcəyi gözlənilir.
Qeyd edək ki, yanvarın 14-də tədbirin açılış mərasimi keçirilib. Forum yanvarın 19-dək davam edəcək.
Xatırladaq ki, Dünya İqtisadi Forumu 1971-ci ildə yaradılıb. İqtisadi xarakter daşımasına baxmayaraq, Davos Forumu dünya siyasətinə, beynəlxalq münasibətlərə ciddi təsirə malikdir. Forum dünyanın iqtisadi mənzərəsinin şəkilləndirilməsində önəmli rol oynayır. Burada irəli sürülən yeni fikirlər, təkliflər qlobal iqtisadiyyata yeni istiqamətlər verir. Davos Forumu, eyni zamanda, iqtisadi güc mərkəzlərinin bir-biri ilə dialoqu və dünya ictimaiyyətinə hesabat xarakteri daşıyır.