Bakı. Trend:
Çərşənbə günü İsveçrənin Davos şəhərində İranın xarici işlər naziri Hüseyn Əmirabdollahian və səudiyyəli həmkarı Feysəl bin Fərhan Əl-Səud arasında görüş zamanı Qəzza müharibəsi müzakirə olunub.
Trend xəbər verir ki, iki ali diplomat Davos İqtisadi Forumunun 54-cü illik toplantısı çərçivəsində danışıqlar aparıb.
Onlar Qəzza müharibəsi də daxil olmaqla regional məsələləri, o cümlədən Tehran və Ər-Riyad arasında iqtisadi əməkdaşlığı müzakirə ediblər.
Həmçinin Davos İqtisadi Forumu çərçivəsində İranın xarici işlər naziri Britaniyalı həmkarı Devid Kemeron ilə danışıqlar aparıb, ikitərəfli və regional məsələləri müzakirə edib.