...

Yaponiyada tənha ölən yaşlı insanların sayı artır

Dünya xəbərləri Materials 15 May 2024 04:52 (UTC +04:00)

Bakı. Trend:

Cari ilin birinci rübündə Yaponiyada 22 minə yaxın insan evdə tənhalıqda vəfat edib.

Trend-in məlumatına görə, bu barədə Yaponiya Milli Polis İdarəsi bildirib.

Bildirilib ki, proqnozlara görə, onların sayı ildə 68 minə qədər arta bilər. Həmçinin özünütəcrid və özünə laqeydlik səbəbindən ölən insanların sayının artması gözlənilir.

“Koritsusi” (tənha ölüm) termini Yaponiyada 1995-ci ildə Kobada baş vermiş zəlzələdən sonra tanınıb, həmin vaxt bir çox yaşlı insan icmalarını tərk etməyə və müvəqqəti yaşayış yerlərində yaşamağa məcbur qaldılar. Bəziləri daha sonra özlərinə qayğı göstərməkdən və ya başqalarından kömək almaqdan imtina edərək özlərini təcrid etdilər.

“Koritsusi” heç kim bilmədən ölmək və cəsədin müəyyən müddətdən sonra tapılması deməkdir. Yaponiya əhalisinin sürətlə qocalması və bir nəfərlik ev təsərrüfatlarının payı indiki 36 faizdən yüksələcəyi üçün bu vəziyyət daha da yayıla bilər.

Ekspertlərin fikrincə, buna səbəb yaddaş və psixi sağlamlıq problemləridir, hökumət isə hətta yaşlı insanlar qayğıdan imtina etdikdə belə, dəstək vermək üçün yollar tapmalıdır.

Məqalədə:
Xəbər lenti

Xəbər lenti