Bakı. Trend:
Pakistanın Xeyber-Paxtunxva əyalətinin Cənubi Vəziristan rayonunda baş verən güclü partlayış nəticəsində ən azı bir nəfər ölüb, üç nəfər yaralanıb.
Trend-in məlumatına görə, bu barədə “Bol News” telekanalı xəbər verib. Partlayış rayonun inzibati mərkəzi olan Van şəhərindən kənarda yerləşən Karikot kəndinin bazarında baş verib. Əldə hazırlanmış partlayıcı qurğu yol kənarında dayanan avtomobilə yerləşdirilib. Partlayışın nəticəsi olaraq 1 nəfər ölüb, daha 3 nəfər yaralanıb və zərərçəkənlər yaxınlıqdakı xəstəxanaya aparılıb.
Şimali və Cənubi Vəziristandakı radikal qruplar Vəziristan İslam Dövləti adında bir təşkilatın yaradılmasına çalışır.