Bakı. Trend:
İsrail Hərbi Hava Qüvvələrinin Qəzza şəhərinə endirdiyi zərbələr nəticəsində azı 6 nəfər həlak olub.
Trend xəbər verir ki, bu barədə Qətərin “Əl-Cəzirə” telekanalı məlumat yayıb.
Zərbələr Qəzzada yerləşən Əl-Tabain məktəbinə endirilib. Hava hücumu zamanı həmin məktəbdə fələstinli qaçqınlar sığınmışdı.
Bundan əvvəl İsrail Müdafiə Qüvvələri (IDF) kəşfiyyat məlumatlarına əsasən, Əl-Tabain məktəbinin binasında HƏMAS hərəkatının snayperinin gizləndiyini və onun məhv edildiyini açıqlayıb.
Ordunun mətbuat xidməti bildirib ki, dəqiq idarə olunan sursatlardan istifadə etməzdən əvvəl mülki əhalini qorumaq üçün bütün mümkün tədbirlər görülüb.