Bakı. Trend:
ABŞ-ın şimal-qərbində Dallas şəhərində yerləşən bir ticarət mərkəzində baş verən yanğın nəticəsində ekzotik zoomağazada saxlanılan 579 heyvan tələf olub.
Trend-in CBS-ə istinadən verdiyi məlumata görə, Dallas Yanğın və Xilasetmə Departamenti hadisədə heyvanların əksəriyyətinin tüstüdən zəhərləndiyini açıqlayıb.
“Onların çoxu kiçik quşlar idi, lakin toyuqlar, hamsterlər, iki it və iki pişik də tələf oldu,” - deyə yanğınsöndürmə departamentinin nümayəndəsi qeyd edib. O, hadisə yerində heç bir ekzotik heyvanın olmadığını da vurğulayıb.
Yanğınsöndürənlərin peşəkar müdaxiləsi sayəsində bəzi heyvanlar xilas edilib. Məsələn, tısbağa üzərində ürək masajı aparılıb və ölmək üzrə olan bir balanın həyatı xilas edilib.
Hazırda yanğının səbəbləri ilə bağlı araşdırmalar aparılır.