Bakı. Trend:
ABŞ-nin yeni seçilmiş prezidenti Donald Trampın Yaxın Şərq üzrə nümayəndəsi Stiven Uitkoff Qəzzaya səfər etməyi nəzərdən keçirir.
Trend-in məlumatına görə, bu barədə "NBC" televiziya şirkəti xəbər verib.
Məlumata əsasən, İsrail və Fələstin HƏMAS hərəkatı arasında bu həftə əldə edilmiş razılaşmanı təmin etmək üçün S.Uitkoff yaxın aylarda Yaxın Şərq regionunda "dəmək olar ki, daimi əsasda" olmağı planlaşdırır. Bu səfər razılaşmanın pozulmasına və girovların azad edilməsinin ləngiməsinə səbəb ola biləcək vəziyyətləri aradan qaldırmaq üçün həyata keçirələcək.
Qeyd edilib ki, Trampın xüsusi nümayəndəsi Fələstin probleminin uzunmüddətli həllinə və Qəzza zolağının bərpasına nail olmaq üçün çalışır.