Bakı. Trend:
Amerikanın İndiana ştatının Elkhart şəhərində bazar ertəsi supermarketdə baş verən atışma nəticəsində iki nəfər həyatını itirib.
Trend xəbər verir ki, bu barədə "Fox News" telekanalı məlumat yayıb.
Hadisə yerinə gələn polis əməkdaşları tərəfindən atəş açan şəxs öldürülüb. Atışma zamanı iki hüquq-mühafizə orqanı əməkdaşı da yaralanıb və xəstəxanaya yerləşdirilib.
Onların vəziyyəti və cinayətkarın motivləri barədə hələlik əlavə məlumat verilmir.