Bakı. Trend:
Türkiyə Silahlı Qüvvələri İraq və Suriyanın şimalında 15 terrorçunu zərərsizləşdiriblər.
Trend-in məlumatına görə, bu barədə Türkiyə Milli Müdafiə Nazirliyi bildirib.
Nazirlik bildirib ki, İraqın şimalındakı Qara bölgəsində 2, Suriyanın şimalındakı "Fərat Qalxanı" və "Sülh bulağı" əməliyyatları bölgələrində isə 13 PKK/YPG terrorçusu zərərsizləşdirilib.
Qeyd olunub ki, terroru mənbəyində məhv etmək üçün əməliyyatlar davam etdiriləcək.