Bakı. Trend:
Məşhur amerikalı müğənni Teylor Svift bu bazar günü keçiriləcək 67-ci illik Qremmi mükafatlandırma mərasimində aparıcı qismində çıxış edəcək. Bu barədə Amerika Səsyazma Sənayesi Assosiasiyası rəsmi açıqlama verib.
Trend xəbər verir ki ,mərasim 2 fevral tarixində ABŞ-ın Kaliforniya ştatının Los-Anceles şəhərində baş tutacaq.
Qeyd edək ki, 2024-cü ilin fevral ayında Teylor Svift İlin Albomu nominasiyasında Grammy Mükafatını qazanaraq, bu kateqoriyada ən çox mükafata sahib olan sənətçi kimi tarixə düşüb. Onun "Midnights" albomu bu nüfuzlu mükafata layiq görülüb. Bu, Sviftin İlin Albomu üçün qazandığı dördüncü Qremmi mükafatıdır.
Bundan əvvəl Frenk Sinatra, Stivi Vander və Pol Saymon hər biri üç dəfə Ən Yaxşı Albom mükafatını qazanıblar.
Ümumilikdə, 34 yaşlı ifaçının 52 Qremmi namizədliyindən 14 mükafatı var.