Bakı. Trend:
Ukrayna Şimali Atlantika Müqaviləsi Təşkilatına (NATO) üzv olmaq istəklərini unuda bilər.
Trend-in məlumatına görə, bunu ABŞ Prezidenti Donald Tramp Ağ Evdə jurnalistlərlə söhbətində vurğulayıb.
Ondan Ukraynadakı münaqişənin həlli üçün Vaşinqtonun Moskvadan hansı güzəştlərə gedəcəyinə aydınlıq gətirməsi xahiş olunub.
"İndi bunu sizə demək istəmirəm. Amma deyə bilərəm ki, NATO-nu unuda bilərsiniz№, - deyə Amerika lideri Kiyevin alyansa üzv olmaq istəyinə toxunaraq cavab verib. "Yəqin ki, hər şeyin başlamasının səbəbi budur", - deyə D.Tramp qeyd edib.