Bakı. Trend:
ABŞ prezidenti Donald Tramp Beynəlxalq İnkişaf Agentliyinin (USAID) fəaliyyətində böyük miqyaslı fırıldaqçılıq sxemlərinin mövcud olduğunu iddia edib.
Trend xəbər verir ki, "Fox News" telekanalına müsahibəsində Tramp USAID-in fəaliyyətini sərt tənqid edərək agentliyi "tam bir fırıldaqçılıq" adlandırıb. Lakin o, ittihamları ilə bağlı detalları açıqlamayıb.
ABŞ lideri həmçinin Demokrat Partiyasının bu məsələyə maraq göstərmədiyini və onun administrasiyasının USAID-in işini dayandırmaq cəhdlərinə qarşı çıxdığını vurğulayıb.
"Demokratlar daim Konstitusiyanın pozulmasından danışırlar. Lakin onların heç vaxt axtarmaq istəmədiyi yeganə şey milyardlarla dolların hara yoxa çıxmasıdır", – Tramp qeyd edib.