Bakı. Trend:
ABŞ-də yeniyetmələrin iştirak etdiyi ziyafət zamanı atışma baş verib.
Trend-in "ABC News" telekanalına istinadən verdiyi məlumata görə, hadisə 40-a yaxın yeniyetmənin şənlik etdiyi evin yaxınlığında baş verib.
Küçədə başlayan dava nəticəsində əraziyə polis çağırılıb. Daha sonra atışma səsləri eşidilib.
Atışma nəticəsində iki nəfər ölüb, dörd nəfər yaralanıb. Hüquq-mühafizə orqanları bir yeniyetməni şübhəli şəxs qismində saxlayıb. Hazırda polis hadisənin motivlərini və təfərrüatlarını araşdırır.