Bakı. Trend:
ABŞ-nin Florida sahilləri yaxınlığında (Atlantik okean) qayıq batıb.
Trend bu barədəölkənin yerli KİV-lərinə istinadən xəbər verir.
Məlumata görə, nəticədə bir nəfər həlak olub, daha beş nəfər itkin düşüb. Florida sahil mühafizə xidməti hazırda onların axtarışını həyata keçirir.
Dənizçilər Sent Lüsi İnlet-dən 25 dəniz mili aralıda qayığın qəzaya uğradığı çevrədən bir nəfərin meyiti ilə yanaşı, 4 nəfəri sağ vəziyyətdə aşkarlayıb. Sudan çıxarılan zərərçəkənlərin xəsarətlər aldığı deyilsə də, heç birinin həyatına təhlükə yoxdur.
Qəzanın səbəbi və hadisənin təfərrüatları barədə hələlik məlumat verilmir.