Bakı.Trend:
Böyük Britaniya və Fransa Ukrayna üçün təhlükəsizlik zəmanətləri çərçivəsində potensial atəşkəs sazişindən sonra Ukraynaya göndəriləcək Avropa hərbi kontingentinin yaradılması üzrə işləri sürətləndirib.
Trend xəbər verir ki, bu barədə “Euractiv” öz mənbələrinə istinadən məlumat yayıb.
“Fransa və Böyük Britaniya Ukraynada atəşkəsin təmin olunması üçün Avropa “dəstək qüvvələrinin hərbi planlamasını sürətləndirmək niyyətində olduqlarını bəyan ediblər”, - deyə nəşr yazır.
Portalın yazdığına görə, Paris quru əməliyyatlarının keçirilməsi ideyasını irəli sürməyə davam edir, London isə atəşkəs rejiminin qorunub-saxlanılması üçün hava və dəniz qüvvələrinin kombinasiyasını təklif edir.