Bakı. Trend:
Asiya Çempionlar Liqasının yarımfinal mərhələsində bu gün keçirilən ilk qarşılaşmada Səudiyyə Ərəbistanının "Əl-Hilal" klubu Birləşmiş Ərəb Əmirliklərinin "Əl-Əhli" komandasına 1:3 hesabı ilə məğlub olub.
Trend xəbər verir ki, bu nəticə ilə "Əl-Əhli" turnirin finalına vəsiqə qazanıb.
Yarımfinal mərhələsinin digər görüşündə isə bu axşam Bakı vaxtı ilə saat 20:30-da portuqaliyalı ulduz futbolçu Kriştiano Ronaldonun formasını geyindiyi Səudiyyə Ərəbistanının "Əl-Nəsr" klubu Yaponiyanın "Kavasaki Frontale" komandası ilə qarşılaşacaq.
Qeyd edək ki, yarımfinal mərhələsinin oyunları bir matç üzərində keçirilir və qalib komanda birbaşa finala vəsiqə qazanır.