Bakı. Trend:
Belçika hakimiyyəti Polşa istehsalı olan 300-ə qədər Piorun insan-portativ hava hücumundan müdafiə sistemi (MANPADS) alacaq.
Trend xəbər verir ki, bu barədə Polşanın müdafiə naziri Vladislav Kosinyak-Kamış məlumat verib.
"İmzaladığımız anlaşma memorandumu Piorun zenit sistemlərinin alınmasına aiddir. Belçika bu sistemlərin təxminən 200-dən 300-ə qədərini alacaq", – nazir qeyd edib.
O əlavə edib ki, Polşa eyni zamanda Belçikanın ABŞ istehsalı olan F-35 qırıcılarından istifadə təcrübəsini öyrənməkdə maraqlıdır.