Bakı. Trend:
Kamçatkanın şərqindəki Şiveluç vulkanı şənbə günü səhər dəniz səviyyəsindən 8 km yüksəkliyə çatan kül sütunu ilə püskürüb.
Trend-in məlumatına görə, bu barədə Rusiya Fövqəladə Hallar Nazirliyinin regional Baş İdarəsinin mətbuat xidməti məlumat yayıb.
"Şleyf şimal-şərq istiqamətində vulkandan Ozernoye körfəzinə doğru yayılır", - deyə bildirilib.
Qeyd olunub ki, hazırda yaşayış məntəqələrində kül düşməsi yoxdur. Lakin küləyin istiqaməti dəyişərsə, Ust-Kamçatski və Tiqilski rayonlarının, eləcə də Karaginski rayonunun yaşayış məntəqələrində az miqdarda külün çökməsi ehtimalını istisna etmək olmaz.