Bakı. Trend:
ABŞ-də PAD təxəllüsü ilə məşhur olan yazıçı, ssenarist, komiks müəllifi və aktyor Piter Devid 68 yaşında vəfat edib.
Trend xəbər verir ki, bu haqda “ScreenRant” məlumat yayıb.
Yazıçının uzun sürən xəstəlik nəticəsində vəfat etdiyi bilidirilir.
Piter Devid dünyada komiks və fantastika janrının inkişafına böyük töhfə verib. Onun ilk işləri 1980-ci ildə “Asimov's Science Fiction” nəşrində dərc olunub. Daha sonra o, “Marvel Comics” lə əməkdaşlığa başlayıb. Halk, Kapitan Marvel, Hörümçək adam və Akvamen kimi kult-personajların üzərində işləyib.