Bakı. Trend:
Çin prezidenti Si Tsinpin ABŞ-yə nadir torpaq elementlərinin tədarükünü bərpa etməyə razılaşıb.
Trend-in məlumatına görə, bu barədə ABŞ prezidenti Donald Tramp iyunun 6-da Vaşinqtondan Nyu Cersiyə uçan prezident təyyarəsinin göyərtəsində jurnalistlərə bildirib.
O, Si Cinpinin ABŞ-yə nadir torpaq metallarının tədarükünü bərpa etməyə razı olub-olmaması ilə bağlı suala müsbət cavab verib. ABŞ və Çin nümayəndələrinin Londonda gözlənilən görüşünə toxunan prezident deyib: "Biz Çinlə razılaşmada çox irəliləmişik. Biz məsələyə aydınlıq gətirmək istəyirdik".