Bakı. Trend:
İranın cənub-qərbində yerləşən Xuzistan vilayətinin Abadan rayonunda Abadan Neftayırma Şirkətinin 70-ci blokunda yanğın baş verib.
Trend-in məlumatına görə, bununla əlaqədar İranın Abadan Neftayırma Şirkəti məlumat yayıb.
Məlumata görə, yanğının söndürülməsi ilə əlaqədar əməliyyatlar davam etdirilir.
Qeyd edək ki, Abadan Neftayırma Şirkətinin zavodu İranın ən qədim neftayırma zavodlarından biridir. Bu zavodda benzin, dizel, maye qaz və digər neft məmulatları istehsal olunur.