Bakı. Trend:
Bolqarıstanlı sürücü Georgi Donçevin avtomobili İtaliyanın Misano şəhərində keçirilən “GT World Europe” yarı seriyasının növbəti raundunda qəza nəticəsində yanıb.
Trend xəbər verir ki, insident zamanı Donçevin idarə etdiyi "Lamborghini Huracán GT3 Evo 2" avtomobili rəqibi ilə toqquşmadan sonra maneəyə çırpılıb və alovlanıb. Sürücü dərhal avtomobildən çıxaraq hadisə yerindən uzaqlaşıb və xəsarət almayıb.
Qəza səbəbindən trasda yarış müvəqqəti dayandırılıb və qırmızı bayraqlar qaldırılıb.