Bakı. Trend:
Cənubi Koreyada güclü yağışların yaratdığı daşqınlar nəticəsində ölənlərin sayı 18-ə yüksəlib.
Trend xəbər verir ki, bu barədə ölkənin “Yonhap” agentliyi məlumat yayıb.
Bildirilib ki, 9 nəfər hələ də itkin düşmüş sayılır, təhlükə zonasından 14 minə yaxın insan təxliyə edilib.
Cənubi Koreya Milli Meteorologiya Agentliyinin proqnozuna görə, bəzi əyalətlərdə yağıntıların yaxın günlərdə daha da artacağı gözlənilir. Hakimiyyət orqanları və fövqəladə xidmətlər vəziyyəti nəzarətdə saxlamaq üçün tədbirləri gücləndiriblər.