Bakı. Trend:
Almaniyanın paytaxtı Berlin şəhərində avtobusların iştirakı ilə iki yol-nəqliyyat hadisəsi baş verib.
Trend “Tagesspiegel” qəzetinə istinadən xəbər verir ki, qəzalar zamanı 12 nəfər xəsarət alıb.
Belə ki, Şarlottenburq bölgəsində avtobusla minik avtomobili toqquşub. Nəticədə avtobusun sürücüsü və 3 sərnişin yaralanıb.
Şpandau bölgəsində isə minik avtomobili ilə toqquşmaqdan yayınan avtobus sürücüsü qəza törədib. Hadisə nəticəsində 8 nəfər xəsarət alıb. Onlardan 6-sı xəstəxanaya yerləşdirilib.
Hadisələrlə əlaqədar araşdırmalar aparılır.