Bakı. Trend:
ABŞ prezidenti Donald Trampın administrasiyası bu həftə Rusiyaya təsir etmək üçün bütün variantları nəzərdən keçirəcək.
Trend-in məlumatına görə, bu barədə ABŞ maliyyə naziri Skott Bessent "Fox News" telekanalına müsahibəsində deyib.
"Biz bütün mümkün variantları nəzərdən keçiririk. Bu həftə biz onları xüsusilə yaxından araşdıracayıq", - deyə o bildirib.
O qeyd edib ki, Vaşinqton Rusiyaya qarşı sanksiya təzyiqini nəzərdən keçirməkdə davam edir, çünki Ukraynada münaqişə Trampın Rusiya prezidenti Vladimir Putinlə Alyaskada görüşündən sonra davam edir.