Bakı. Trend:
Kanadanın Manitoba əyalətinin Hollou Uoter icmasında yerli ailəyə qarşı bıçaqla hücum baş verib, nəticədə 1 nəfər ölüb, 8 nəfər yaralanıb.
Trend xəbər verir ki, bu barədə CBC telekanalı polisə istinadla məlumat yayıb.
Yaralılar Vinnipeq Tibb Elmləri Mərkəzinin təcili yardım şöbəsinə yerləşdirilib, onlardan ikisi helikopterlə xəstəxanaya çatdırılıb.
Kanada polisi hücumda şübhəli bilinən şəxsin də öldürüldüyünü açıqlayıb. Hadisə ilə əlaqədar magistral yol müvəqqəti olaraq bağlanıb.