Bakı. Trend:
Parisdə ötən gün həmkarlar ittifaqlarının elan etdiyi tətil və etiraz aksiyaları fonunda baş vermiş küçə toqquşmalarında 100-dən çox insan saxlanılıb.
Trend xəbər verir ki, bu barədə Paris polisinin prefekti Loran Nunyes açıqlama verib.
“Ümumilikdə 103 nəfər saxlanılıb, onlardan 89 –u barəsində inzibati həbs seçilib”, -deyə o bildirib.
Rəsminin sözlərinə görə, saxlanılmaların böyük hissəsi birbaşa nümayiş zamanı həyata keçirilib.
Fransa DİN-inin məlumatına görə, hökumətin iqtisadi siyasətinə qarşı həmkarlar ittifaqlarının keçirdiyi nümayişlər ümumilikdə ölkə üzrə 500 mindən çox iştirakçını toplayıb. Qurumun rəhbəri Bryuno Retayo bildirib ki, 300-dən çox şəxs saxlanılıb. Lakin “Ümumi Əmək Konfederasiyası” (CGT) həmkarlar ittifaqının hesablamalarına görə, həmin gün küçələrə 1 milyondan çox insan çıxıb.