Bakı. Trend:
ABŞ-nin Massaçusets ştatında yüngül mühərrikli təyyarə avtomobil yoluna düşərək qəzaya səbəb olub.
Trend-in "CBS News"a istinadən verdiyi məlumata görə, hadisə nəticəsində təyyarədə olan ər-arvad həyatını itirib.
Hava gəmisinin qalıqları yolda hərəkətdə olan avtomobillərin üzərinə düşüb və nəticədə bir qadın xəsarət alıb.
Hazırda qəzanın səbəbləri araşdırılır. ABŞ Federal Aviasiya Administrasiyası və Nəqliyyatda Təhlükəsizlik üzrə Milli Şura hadisə ilə bağlı araşdırmaya başlayıb.