Bakı. Trend:
Fransanın keçmiş prezidenti (2007-2012) 2007-ci ildə seçki kampaniyasının Liviya tərəfindən maliyyələşdirilməsi ilə bağlı 5 il müddətinə azadlıqdan məhrum edilən Nikolya Sarkozi cəzasını Sante həbsxanasında təkadamlıq kamerada çəkəcək.
Trend-in məlumatına görə, bu barədə "BFMTV" televiziya kanalı mənbələrə istinadən xəbər verib.
Məlumata əsasən, həbsxana Parisdə yerləşir və xüsusi təhlükəsizlik tədbirləri tələb edən məhbusların saxlanması üçün nəzərdə tutulmuş bölməyə malikdir.
Sarkozi yaşı (70 yaş) və geniş şöhrətinə görə oktyabrın 21-də təcridxanaya köçürüləcək.