Bakı. Trend:
ABŞ Almaniyaya SM-6 Block I və SM-2 Block IIIC raketlərini, eləcə də onların buraxılış qurğularını və digər əlaqəli komponentləri təxminən 3,5 milyard dollar dəyərində satmağı planlaşdırır.
Trend xəbər verir ki, bu barədə Pentaqonun beynəlxalq hərbi-texniki əməkdaşlıq və xaricə silah satışı üzrə məsul direktorluğu məlumat yayıb.
Bildirilib ki, Dövlət Departamenti sözügedən müqaviləni artıq təsdiqləyib. İndi son qərar ABŞ Konqresinə məxsusdur, lakin qanunverici orqanın bu satışa mane olacağı gözlənilmir.
Müqavilə bildirişinə əsasən, Berlin ümumilikdə 173 ədədə qədər SM-6 Block I və 577 ədədə qədər SM-2 Block IIIC raketi almaq istəyib. Bununla yanaşı, Almaniyaya MK-21 Mod 3 və MK-13 Mod 1 buraxılış qurğularının da təhvil verilməsi nəzərdə tutulur.