Bakı. Trend:
ABŞ prezidenti Donald Tramp bəyan edib ki, Vaşinqtonun Ukraynada müharibənin həlli üçün Kiyevə təqdim etdiyi plan yekun təklif hesab edilə bilməz.
Trend xəbər verir ki, Tramp bunu Ağ Evdə jurnalistlərlə söhbəti zamanı bildirib.
Görüş zamanı Trampdan bu planın yekun olub-olmadığı barədə soruşulub və o, suala "Xeyr" cavabını verib.
Ağ Ev rəhbəri əlavə edib: "Biz sülhə nail olmaq istərdik və bu, çoxdan baş verməli idi. Biz bu və ya digər şəkildə buna son qoymağa çalışırıq".