Bakı. Trend:
Dekabrın 9-da ABŞ-nin Kentukki ştatı Universitetində baş verən atışma nəticəsində bir neçə nəfər yaralanıb və şübhəli şəxs saxlanılıb.
Trend-in məlumatına görə, bu barədə ştatın qubernatoru Endi Beşir "X" sosial şəbəkəsində yazıb.
"Frankfortdakı Kentukki Universitetində baş verən atışmadan xəbərdarıq. Hazırda çoxsaylı xəsarət alanlar barədə məlumat var" - deyə bildirilib.
Bildirilib ki, hüquq-mühafizə orqanları hadisə yerindədir, şübhəli saxlanılıb".
Hadisənin səbəbləri və zərərçəkənlərin sağlamlıq vəziyyəti barədə hələlik məlumat verilməyib.