Bakı. Trend:
Türkiyənin futbol sektorunda çalışanların qanunsuz mərc oyunlarında iştirakı ilə bağlı istintaq çərçivəsində 11 vilayətdə yeni əməliyyat keçirilib.
Trend bu barədə Türkiyə KİV-ə istinadən xəbər verir.
Əməliyyatın gedişində 14-ü futbolçu olmaqla 24 nəfər saxlanılıb. Saxlanılanların arasında “Qalatasaray” futbol klubunun keçmiş rəhbərlərindən olan ( “Galatasaray Sportif AŞ” prezidentinin müavini) Erden Timur da yer alır.
Saxlanılanlardan altı nəfər Kasımpaşa-Samsunspor matçının nəticəsinə təsir etməkdə şübhəli bilinirlər.
Bank hesablarının araşdırılması nəticəsində şübhəli maliyyə əməliyyatları və bununla əlaqəli mərc hesabı olduğu müəyyən edilib.
Faktla bağlı istintaq davam edir.