Bakı. Trend:
Tailand və Kamboca arasında Regional Sərhəd Komitəsinin Trat əyalətində keçirilən görüş fevralın 4-də yekun sənəd qəbul edilmədən başa çatıb.
Trend xəbər verir ki, bu barədə Tailand Hərbi Dəniz Qüvvələri məlumat yayıb.
Bildirilib ki, danışıqlar sərhədboyu təhlükəsizliyin təmin olunması, əlaqə kanallarının saxlanması, gərginliyin azaldılması və davamlı atəşkəs rejiminə riayət edilməsinə yönəlmişdi. Danışıqların gedişini Cənub-Şərqi Asiya Dövlətləri Assosiasiyasının (ASEAN) müşahidəçilər qrupu izləyib.
Qeyd edək ki, Kamboca və Tailand Baş Sərhəd Komitəsinin üçüncü xüsusi iclasının yekunlarına əsasən, 2025-ci il dekabrın 27-də atəşkəs barədə razılığa gəlmişdilər.