Bakı. Trend:
Bəhreyn Krallığının Daxili İşlər Nazirliyi hava limanına pilotsuz təyyarə hücumu edildiyini açıqlayıb.
Trend xəbər verir ki, bu barədə krallığın Daxili İşlər Nazirliyi məlumat yayıb.
Nazirliyin X sosial şəbəkə səhifəsində yayılan məlumatda deyilir: "Bəhreyn Beynəlxalq Hava Limanına pilotsuz təyyarə hücumu edilib, nəticədə maddi ziyan dəyib, lakin insan tələfatı olmayıb. Müvafiq orqanlar obyektin təhlükəsizliyini təmin etmək üçün tədbirlər görür".