Bakı. Trend:
Hindistanın şimal-şərqində yerləşən Assam ştatında Hindistan Hərbi Hava Qüvvələrinə məxsus Su-30MKI qırıcı təyyarəsinin qəzaya uğraması nəticəsində iki pilot həlak olub.
Trend xəbər verir ki, bu barədə Hindistan HHQ-nin “X” sosial şəbəkəsində məlumat verilib.
Təyyarə qəzasında pilotlar ölümcül yaralanıb. Qurum onların ailələrinə başsağlığı verib.
xxx
05:35
Daha əvvəl radarlardan itmiş Hindistan Hərbi Hava Qüvvələrinə (HHQ) məxsus Su-30MKI qırıcısı ölkənin şimal-şərqindəki Assam ştatında qəzaya uğrayıb.
Trend xəbər verir ki, bu barədə Hindistan HHQ-nin “X” sosial şəbəkəsində məlumat verilib.
Bildirilib ki, “Təlim-məşq uçuşu yerinə yetirən Su-30MKI qırıcısı Assam ştatının Karbi-Anqlonq rayonunda, Corhatdan təxminən 60 km məsafədə qəzaya uğrayıb. Axtarış əməliyyatı davam edir”.
Pilotların taleyi barədə məlumat yoxdur.