Bakı. Trend:
NATO-nun Baş katibi Mark Rutte çərşənbə günü ABŞ-yə səfər edəcək və aprelin 12-dək Vaşinqtonda olacaq.
Trend-in məlumatına görə, bu barədə NATO-nun Brüsseldəki qərargahından məlumat verilib.
Məlumata görə o, ABŞ Prezidenti Donald Tramp, Dövlət katibi Marko Rubio və müdafiə naziri Pit Heqset ilə görüşəcək.
Rutte aprelin 9-da Ronald Reyqan Prezident Fondu İnstitutu tərəfindən təşkil edilən müzakirədə çıxış edəcək, aprelin 10–12-də isə Bilderberq Klubunun konfransında iştirak edəcək.