Bakı. Trend:
ABŞ-Çin münasibətləri beynəlxalq ictimaiyyətin sabitliyinə töhfə verməlidir.
Trend-in məlumatına görə, bu barədə Yaponiya Nazirlər Kabinetinin baş katibi Minoru Kihara deyib.
"ABŞ–Çin münasibətlərinin, Yaponiya da daxil olmaqla, beynəlxalq ictimaiyyətin sabitliyinə töhfə verməsini vacib hesab edirik", - deyə o, ABŞ prezidenti Donald Tramp və Çin prezidenti Si Cinpin arasında son danışıqları şərh edərkən qeyd edib.
O vurğulayıb ki, Yaponiya ABŞ ilə möhkəm və etimadlı münasibətlərinə əsaslanaraq, Çindən beynəlxalq arenada onun mövqeyinə uyğun “məsuliyyətli hərəkətlər” tələb etməyə davam edəcək.
