Bakı.Trend:
Ermənistan 2025-ci ildə Kollektiv Təhlükəsizlik Müqaviləsi Təşkilatına (KTMT) üzvlük haqqını ödəməyib.
Trend xarici mediaya istinadən xəbər verir ki, bu barədə Ermənistanın Xarici işlər naziri Ararat Mirzoyan XİN-in 2025-ci il dövlət büdcəsinin icrası ilə bağlı illik hesabatı parlamentdə təqdim edərkən bildirib.
“Biz üzvlük haqqını sadə bir səbəbə görə ödəməmişik – təşkilatın fəaliyyətində iştirakımız faktiki olaraq olmayıb”, – deyə Mirzoyan qeyd edib.
Xatırladaq ki, Ermənistan 2024-cü il yanvarın 1-dən KTMT-də iştirakını dondurub.
İyunun 5-də Ermənistanın Baş naziri Nikol Paşinyan bildirmişdi ki, Ermənistan KTMT-də iştirakını aktivləşdirməyi planlaşdırmır.
