Bakı. Trend:
Həftənin ilk üç günü güclü geomaqnit qasırğası proqnozlaşdırılır.
Trend bu barədə Şamaxı Astrofizika Rəsəsdxanasına istinadən xəbər verir.
Rəsədxananın məlumatına görə, 10 MeV-dən yuxarı enerji yüklü proton selinin 6 iyunda baş vermiş Tac Kütlə Atılmalarının (TKA) Yerə çatması ilə artacağı gözlənilir.
Günəş küləyinin də həmin TKA-nın təsiri nəticəsində 8–9 iyun tarixlərində normadan yüksək səviyyədə olacağı proqnozlaşdırılır.
Ardıcıl TKA-ların təsiri ilə 8–10 iyun tarixlərində güclü geomaqnit qasırğası gözlənilir.
