Bakı.Trend:
Tailandın Kancanaburi, Ratburi və Satun əyalətlərində baş verən daşqınlar 86 yaşayış məntəqəsində ən azı 6 870 nəfərə təsir edib.
Bu barədə “Bangkok Post” qəzeti məlumat yayıb.
Qəzetin məlumatına görə, oktyabrın 1-dən etibarən ölkənin 20 əyalətində daşqınlar qeydə alınıb və nəticədə altı nəfər həyatını itirib. Tailandın Meteorologiya Departamenti cümə axşamına qədər ölkənin şimalında, şimal-şərqində, şərqində və mərkəzi hissəsində yağıntıların azalacağını proqnozlaşdırır.
Bundan əvvəl krallığın hakimiyyət orqanları dənizdə qabarma-çəkilmə zamanı suyun səviyyəsinin yüksəlməsi nəticəsində aran ərazilərinin su altında qalması və çayların məcrasından çıxması riskləri barədə xəbərdarlıq edib. Xəbərdarlıq Banqkok və ölkənin altı mərkəzi əyalətində noyabrın 5-dək qüvvədədir.
