Azərbaycan, Bakı, 6 aprel /Trend/
"Eurovision 2011"-in qalibləri bu gün Macarıstan Parlamentində "Running Scared"i səsləndirəcəklər.
Azərbaycana "Eurovision" qalibiyyəti qazandıran Eldar Qasımov və Nigar Camal Xaricdə Təhsil Alan və Məzun Olmuş Azərbaycanlı Gənclərin Beynəlxalq Forumunun (ASAIF) Macarıstanda keçirilən "Mən gənc səfirəm" adlı toplantısında iştirak edir.
Trend-in məlumatına görə, Eldar Qasımov eurovision.az saytına bildirib ki, 27 ölkədən 250-dən çox gəncin təmsil olunduğu forumda "Running Scared" mahnısını səsləndirəcəklər.
Forumun məqsədi xarici ölkələrdə təhsil alan gənclərimizin ortaq bir platformada birləşərək təcrübə mübadiləsində iştirak etməkdir.